අඹ පුඩිම්

අවශ්‍ය ද්‍රව්‍ය –

කස්ටඩ් එක සඳහා –

  • කල්කිරි අඬු කෝප්ප 02 ක්
  • සීනි ග්‍රෑම් 125 ක්
  • වැනිලා තේ හැඳි භාගයක්
  • ජෙලටින් මේස හැන්ඳක්
  • උණු වතුර අඬු කෝප්ප භාගයක්

අඹ මිශ්‍රණය සඳහා –

  • ඉදුණු අඹ ගෙඩි 02 ක්
  • වතුර අඬු කෝප්ප තුන් කාලක්
  • සීනි මේස හැඳි 03 ක්

 

සාදන  ක්‍රමය –

කස්ටඩ් මිශ්‍රණය –

  • ජෙලටින් වලට උණු වතුර දමා දිය කර ගන්න.කිරි හා සීනි බඳුනකට දමා මිශ්‍ර කර ලිප තබා බුබුළු දමන විට දියකර ගත් ජෙලටින් එකතු කර එක් වරක් උතුරුවා ලිපෙන් බා ගන්න.හොඳින් නිවුනු පසු වැනිලා එකතු කර වෙනත් භාජනයකට දමා ශීතකරණයේ තබන්න.

අඹ මිශ්‍රණය –

  • අඹ වල පොතු හැර කැබලි කපා සාස්පානකට දමා සීනි හා වතුර එක්කර ලිප තබා තම්බා ගන්න.හිල් ලොකු දැලක් ගෙන මෙය පෙරා ගෙන පසෙක තබන්න.ඊළඟට දැල වෙනත් බඳුනක් මත තබා ඒ මත ඇති අඹ කැබලි පොඩි කර ගන්න. දැල මත ඉතිරි වන කෙඳි ඉවත් කර ගන්න.උණුවෙන් තිබියදීම එම සිරප් එකෙන් අඬු කෝප්ප භාගයක් ගෙන ජෙලටින් තේ හැඳි 02 ක් දමා දියකර අඹ පල්පයද එකතු කර මිශ්‍ර කර ගන්න.අඹ මිශ්‍රණය ද ශීතකරණයේ තබා සිසිල් වන්නට හරින්න.ඉන්පසු කස්ටඩ් හා අඹ මිශ්‍රණ දෙක පිටතට ගෙන වෙන වෙනම බීට් කරන්න.බෝල් එකක් ගෙන බීට් කරගත් කස්ටඩ් මිශ්‍රණයෙන් භාගයක් පතුලට දමා බීට් කරගත් අඹ මිශ්‍රණයෙන් 3/4 ක් දමන්න.ඉතිරි කස්ටඩ් භාගය අඹ මිශ්‍රණය මත දමා එය වසා ගන්න.ඉතිරි කරගත් අඹ මිශ්‍රණ කාල නොසලයකට දමා පුඩිම මතුපිට කැමති ආකාරයකට සරසා ගෙන ශීතකරණයේ දමන්න.

Wed, 12 Aug 2020

බෝංචි ව්‍යාංජනයක්

අවශ්‍ය ද්‍රව්‍ය –

  • බෝංචි ග්‍රෑම් 250 ක්
  • අමු මිරිස් කරල් 04 ක්
  • බී ලූණු ගෙඩි 02 ක්
  • මිරිස් කුඩු තේ හැන්ඳක්
  • තුනපහ කුඩු තේ හැඳි භාගයක්
  • පොල්කිරි කෝප්පයක්
  • කහ
  • ලුණු
  • රම්පෙ
  • කරපිංචා
  • අබ ඇට ස්වල්පයක්
  • තෙල්

 

සාදන ක්‍රමය –

  • බෝංචි සෝදා කුඩා කැබලි වලට කපන්න.තෙල් ස්වල්පයක් ලිප තබා කපාගත් ලූණු, අමු මිරිස් හා කරපිචා දමා රන්වන් පැහැ වන තුරු බැදෙන්නට හැර අබ ඇට ස්වල්පයක් ද දමන්න.එය පුපුරන විට කපාගත් බෝංචි කැබලි දමා තුනපහ, මිරිස් කුඩු, ලුණු දමා පොල්කිරි ද එක්කර ඉස්ම හිඳෙන තුරු පිස ගන්න.

Wed, 12 Aug 2020

දඹල ව්‍යාංජනය

අවශ්‍ය ද්‍රව්‍ය –

  • දඹල ග්‍රෑම් 250 ක්
  • අමු මිරිස් කරල් 02 ක්
  • බී ලූණු ගෙඩි 02 ක්
  • කෑලි මිරිස් මේස හැඳි භාගයක්
  • උම්බලකඩ මේස හැඳි භාගයක්
  • කුඩාවට කැපූ පොඩි තක්කාලි ගෙඩියක්
  • රම්පෙ
  • කරපිංචා
  • කුරුඳු පොතු
  • කහ
  • ලුණු
  • තෙල්

 

 

සාදන ක්‍රමය-

  • දඹල සෝදා සිහින් පෙති කපා ගැඹුරු තෙලේ බැදගන්න.තෙල් ස්වල්පයක් රත්කර එයට ලියාගත් ලූණු, අමු මිරිස්, රම්පෙ, කරපිංචා හා කුරුඳු දමා බැදෙන්නට හරින්න.රන්වන් පැහැය වන විට කෑලි මිරිස්, උම්බලකඩ, ලුණු දමා ස්වල්ප වේලාවක් තැම්බෙන්නට හැර කපාගත් තක්කාලි දමා බැදගත් දඹල ද එක්කර ටික වේලාවකට පසු ලිපෙන් බා ගන්න.

Wed, 12 Aug 2020

පතෝල මැල්ලුමක්

අවශ්‍ය ද්‍රව්‍ය –

  • ළපටි පතෝල ග්‍රෑම් 250 ක්
  • රතු ලූණු ගෙඩි 06 ක්
  • අමු මිරිස් කරල් 02 ක්
  • සුදු ලූණු බික් 02 ක්
  • පොල් ටිකක්
  • ගම්මිරිස් ඇට තේ හැඳි භාගයක්
  • කහ ස්වල්පයක්
  • ලුණු වතුර

 

සාදන ක්‍රමය –

  • ගම්මිරිස්, අමු මිරිස්, රතුලූණු හා සුදු ලූණු අඹරා ගන්න.එම මිශ්‍රණයට පොල් හා කහ එකතු කර කවලම් කරන්න.ළපටි පතෝල කරල් සුද්ද කර සිහින්ව කපා අඹරාගත් පොල් මිශ්‍රණයට කවලම් කරන්න.ලුණු වතුරද එකතු කර කවලම් කරන්න.බඳුනක් ලිප තබා රත්වන විට පතෝල මිශ්‍රණය එයට දමා කූරු ගා එය මැලවෙන විට ලිපෙන් ඉවතට ගෙන දෙහි යුෂ එකතු කර ගන්න.

Tue, 28 Jul 2020

තක්කාලි සුප්

අවශ්‍ය ද්‍රව්‍ය –

  • ලෙලි ඉවත් කරගත් ගෙඩි 02 ක්
  • වතුර කෝප්ප 3/4 ක්
  • දෙහි පළුවක්
  • එළකිරි හෝ කල්කිරි කෝප්ප භාගයක්
  • බටර් ටිකක්
  • ෆ්‍රෙෂ් ක්‍රීම් මේස හැන්ඳක්
  • ගම්මිරිස් ටිකක්
  • ලූණු ස්වල්පයක්
  • සුදු ලූණු ස්වල්පයක්
  • පිටි ස්වල්පයක්
  • සැල්දිරි කටු ස්වල්පයක්
  • ලුණු

 

 

සාදන ක්‍රමය –

  • තක්කාලි සිහින්ව කපා බ්ලෙන්ඩර් කර ගන්න.තක්කාලි මිශ්‍රණය බඳුනකට දමා වතුර එකතු කර ලූණු, සුදුලූණු හා සැල්දිරි දමා උණු කර පෙරාගන්න.බටර් ටිකක් රත්වන්නට හැර පිටි ස්වල්පයක් දමා පිටි ටික බැදෙන්නට හැර තක්කාලි යුෂටික දමා පිටි කැට නොගැසෙන්නට සුප් එකක් පෙස සාදා උතුරන විට කිරි දමන්න.දෙහි, ලුණු හා ගම්මිරිස් දමා ෆ්‍රෙෂ් ක්‍රීම් උඩින් දමා ආහාරයට ගන්න.

Tue, 28 Jul 2020

© 2017 Cook-On Time Designed by Aos

error: Content is protected !!